(၂၉.၇.၂၀၁၁) ရက်နေ့ ည(၈-၀၀) နာရီမှာ ဒီနှစ်သင်းဟာ အင်္ဂလန်နိူင်ငံ၊လန်ဒန်မြို.မှာရှိတဲ့ ၀င်ဘလေ(Wembley Stadium) ကွင်းကြီးမှာကစားကြမှာဖြစ်ပါတယ်။ Soccer King FC အသင်းက ၂ပွဲကန် ၂ ပွဲသရေဖြင့် အမှတ်ပေးဇယား အဆင့်(၄) ကိုရောက်ရှိနေတာဖြစ်ပြီး MRB FC ကတော့ ၂ ပွဲကန် ၁ ပွဲသရေ ၁ ပွဲရှုံးဖြင့် အဆင့်(၆)ဖြစ်တဲ့ အောက်ဆုံး(သို.မဟုတ်)တစ်လုံးချိုင့် :P ဘ၀ကို ရောက်ရှိနေတာဖြစ်ပါတယ်။ Soccer King FC အသင်းက ပွဲစဉ်(၁)ထက် ပွဲစဉ်(၄)ဖြစ်တဲ့ NFS FC အသင်းမှာ ခြေစွမ်းသိသာစွာ တိုးတက်လာပါတယ်။ အသင်းရဲ့ ၀င်းတိုက်စစ်ဖြစ်တဲ့ ရဲထွန်းမင်း(မက်ဆီရဲ) အပိုင်အခွင့်အရေးတွေကို ပိုင်နိူင်စွာ အသုံးမချနိူင်ခဲ့လို. သရေ နှစ်ပွဲဆက်ကြုံတွေ.ခဲ့ရတာပဲဖြစ်ပါတယ်။ MRB FC အသင်းဟာလည်း ပွဲစဉ်(၂)မှာ နောက်တန်းအားနည်းခဲ့လို. ရမှတ်ဆုံးရှုံးခဲ့ပြီး ပွဲစဉ်(၆)မှာတော့ နောက်တန်းအမှားကို ပြင်ဆင်နိူင်ခဲ့ပေမဲ့ တိုက်စစ်မှုးတွေ ဂိုးမသွင်းနိူင်တာကြောင့် သရေ (၁)မှတ်ပဲရရှိခဲ့တာဖြစ်ပါတယ်။ ဒီနှစ်သင်းရဲ့ တူညီတဲ့ ထူးခြားချက်ကတော့ ဂိုးဖန်တီးပေးပို.မဲ့သူတွေသာ ရှိပြီး ဂိုးအဖြစ်ပြောင်းလဲနိူင်မဲ့ တိုက်စစ်မှုးတွေ ဂိုးမသွင်းနိူင်တာပဲဖြစ်ပါတယ်။ Soccer King FC အသင်းရဲ့ ၀င်းတိုက်စစ်ဖြစ်တဲ့ မျိုးငြိမ်းရွှေ(ရော်နယ်ရွှေ) နဲ့ MRB FC အသင်းရဲ့ တိုက်စစ်မှုးဖြစ်တဲ့ သိန်းလွင်ဦး(ဒီမာရီယာ)တို့ ဂိုးမသွင်းနိူင်ကြတာပဲဖြစ်ပါတယ်။ ပွဲစဉ်(၄)မှာ Soccer King FC အသင်းရဲ့ အားထားရတဲ့ နောက်တန်းခံစစ်မှုးဖြစ်တဲ့ သိန်းဝင်း(သိန်းဒီနန်) ပထမပိုင်းအပြီး ခြေထောက်ဒဏ်ရာရလို. လူစားလဲခဲ့ရပြီးအသင်းရဲ့ ၀င်းတိုက်စစ်ဖြစ်တဲ့ ကိုညီညီလှိုင်(ညီကာမိုဒရစ်)လည်း သက်လုံကျနေတာကို မြင်တွေ.ခဲ့ရပါတယ်။ပွဲစဉ်(၈)ဖြစ်တဲ့ MRB FC ပွဲမှာတော့ ရော်နယ်ရွှေ ဂိုးသွင်းဖို. လိုသလို နောက်တန်းခံစစ်မှုးဖြစ်တဲ့ သိန်းဒီနန် ကစားနိူင် မကစားနိူင် သေချာမသိရသေးပါဘူး။ ပွဲစဉ်(၄)မှာ NFS FC အသင်းရဲ့ N.P.Messi ကို ပိုင်နိူင်စွာထိန်းချုပ်သွားနိူင်ခဲ့တော့ Soccer King FC အသင်းရဲ့ နောက်တန်းကစားသမား အောင်ပြည်စုံ(အဒီဘာယော)က “ ကျနော်တို့အသင်း နိူင်ပွဲတွေ ရသင့်နေပါပြီ။ ပွဲစဉ် (၈)မှာတော့ MRB FC အသင်းကို မဖြစ်မနေ အနိူင်ယူသွားမှာပါလို.’’ သူရဲ့ Facebook စာမျက်နှာဖြစ်တဲ့ Nay Min Sit အကောင်မှာ့ ကျုံးဝါးထားပါတယ်။ Soccer King FC အသင်းရဲ့ မထင်မှတ်ပဲ လက်စွမ်းပြ နှစ်ပွဲဆက် လက်စွမ်းပြကာကွယ်နေတဲ့ ရဲဘုန်းကျော် (ရဲဘုန်းဟတ်)ကတော့ “ကျနော်အတတ်နိူင်ဆုံး လက်စွမ်းပြကာကွယ်နေပါတယ်။ ကျနော်ဂိုးမပေးရအောင် ကာကွယ်နေပေမယ့် တစ်ဘက်အသင်းကို ဂိုးသွင်းမဲ့သူ ကျနော်တို.အသင်း လိုအပ်ပါသေးတယ်။ ဒီနွေရာသီ အပြောင်းအရွှေ.မှာ အသင်းအနေနဲ့ တိုက်စစ်မှုးကောင်းတစ်ယောက်ကို မဖြစ်မနေ ၀ယ်ယူဖို.လိုအပ်နေပါပီ”လို့ ပွဲစဉ်(၄) အပြီး သတင်းစာ ရှင်းလင်းပွဲပြောသွားခဲ့ပါတယ်။ Soccer King FC အသင်းခေါင်းဆောင် ကိုညီညီလှိုင်(ညီကာမိုဒရစ်)နဲ့ အသင်းရဲ့ အားထားရတဲ့ နောက်တန်းဗဟိုခံစစ်မှုး ကိုတင်ကိုကိုဝင်း(ဗာမယ်ဝင်း) တို.ဟာ ပွဲစဉ်(၄) အပြီး နားရက် ၂ ရက်ရရှိထားတာကြောင့် Genius FC အသင်းရဲ့ အထောင်တိုက်စစ်မှုးဖြစ်တဲ့ ကိုဇော်ရဲအောင်(ဇော်တောရက်စ်)၊BE FC အသင်းရဲ့ ၀င်းတိုက်စစ်မှုးဖြစ်တဲ့ ကိုကျော်မင်းသိန်း(ဘာဘာသိန်း)တို.နဲ့ အတူ ရုရှားနိူင်ငံ၊ကာလုမြို.နယ်ရဲ့ နာမည်ကြီး သဲသောင်ပြင်ဖြစ်တဲ့ УГРА Пляж မှာ шашли ကင်စားပြီး အပန်းဖြေအနားယူနေကြောင်း ရုရှားအားကစားသတင်းဌာနဖြစ်တဲ့ Realtvsport3 ရုပ်သံဌာနမှ တင်ဆက်သွားပါတယ်။:) MRB FC နဲ့ပွဲမှာတော့ Soccer King FC အသင်းက သူတို.အသင်းရဲ့ ကစားကွက်ဖြစ်တဲ့ (3-1-2) ကစားကွက်ကိုပဲ အသုံးပြူဖို.များပါတယ်။နောက်တန်းမှာ ကိုတင်ကိုကိုဝင်း၊သိန်းဒီနန်၊အောင်ပြည်.စုံတို.ကို အမာခံကစားခိုင်းပြီး ကွင်းလယ်တိုက်စစ် ရဲထွန်းမင်း(မက်ဆီရဲ)ကို ဘယ်ဝင်း ညာဝင်းကနေ ညီကာမိုဒရစ်နဲ့ ရော်နယ်ရွှေတို.က ပံ့ပေးပေးမှာဖြစ်ပါတယ်။ လိုအပ်လျှင် ရော်နယ်ရွှေပါ အထောင်တိုက်စစ်အဖြစ် ပြောင်းလဲ ကစားလာနိူင်ပါတယ်။ MRB FC အသင်းကတော့ ဇယားအောက်ဆုံးအသင်းပီပီ ဦးစားပေး အဆင့်(၁) သတ်မှတ်ခံရပြီး ထင်သလောက်ခြေစွမ်းမပြပဲ ၂ ပွဲကန် ၁ပွဲရှုံး ၁ပွဲသရေ ရရှိနေတာဖြစ်ပါတယ်။ ဒီပွဲမှာတော့ အဖြစ်မနေ အနိူင်ရဖို.လိုအပ်တာကြောင့် တိုက်စစ်ဖွင့် ကစားနိူင်ပါတယ်။ ပွဲစဉ်(၆) BE FC ပွဲလို အသင်းရဲ့ဗဟိုခံစစ်မှုးဖြိုးဇော်(ဇာဗီဖြိုး)ကို နောက်တန်းမထားတော့ပဲ…အသင်းခေါင်းဆောင် ကိုကြည်ဇော်(ဖေဘီယာနိူ)ကို နောက်တန်း အလယ်တန်းအဖြစ် တွဲဖက်ကစားပြီး ရှေ.တန်းတိုက်စစ်မှုးဖြစ်တဲ့ သိန်းလွင်ဦး(ဒီမာရီယာ)ကို ဇာဗီဖြိုးနဲ့ပူးပေါင်းကာ ကိုထွေး(ကလစ်ချီထွေး)ရဲ့ ပံ့ပိုးပေးမှုမှတစ်ဆင့် တစ်သင်းလုံးတက် တစ်သင်းလုံးဆင်း အကွက်နဲ့ ဘုရင့်နောင် ဖောင်ဖျက်ကစားလာနိူင်ပါတယ်။ ဒီလိုကစားခဲ့မယ်ဆိုရင် Soccer King FC အသင်းအနေနဲ့ Counter ကို ပိုင်နိူင်စွာ အသုံးချနိူင်ဖို. လိုအပ်ပါတယ်။ MRB FC အသင်းရဲ့ တိုက်စစ်မှုးဖြစ်တဲ့ သိန်းလွင်ဦး(ဒီမာရီယာ)က အသင်းရဲ့ ရလဒ်တွေကို စိတ်နာပြီး ဘယ်လိုနိူင်အောင်လုပ်ရမလဲဆိုတာကို သူရဲ့ပါတနာတွေဖြစ်တဲ့ Genius FC မှ ကိုကိုလွင်(ဗီလွင်) (ဘာစီလိုနာမှ ဗီလာ၏ညီမ:D )နှင့် စိုးလင်းဦး(ရှနိူက်စိုး)၊ Need For Speed FC မှ ကောင်းကြီး(ရာဖေ်းကောင်း) တို.ဆီမှ ဖုန်းဖြင့် အကြံဥာဏ်များ တောင်းယူနေကြောင်း MRB FC အသင်းရဲ့ အမာခံပရိသတ် ရန်ကုန်တိုင်ဒေသကြီး ရန်ကုန်မြို. ရွှေတောင်ကြားရပ်ကွက်နေ နတ်ကတော်မကျင်အုံးသမီး၊ အရက်သမားလှကြိုင်တူမ၊ဖဲသမားသောင်းဒိန်း မိန်းမ မတင်ရွှေထံမှ လျှိူ.၀ှက်စွာ သတင်းရရှိခဲ့ပါတယ်။ MRB FC အသင်း၇ဲ့ နောက်တန်းကစားသမားတွေဖြစ်ကြတဲ့ တင်အေးကျော်(ကိုကြီးကျော် မဟုတ်ပါ)နဲ့ ကျော်သူအောင်(ဖီးလစ်ကျော်) တို.ဟာလည်း အသင်းရလဒ်အပေါ် စိတ်ညစ်နေကြပြီး ပွဲစဉ်(၈)တွင် နိူင်ပွဲမရရှိပါက 2011 Kaluga Myanmar Summer Football Challenge Cup ပြိုင်ပွဲအပြီးတွင် အသင်းကို လျှော်ကြေး ပေးကာ စွန်.ခွာဖို. ပြင်ဆင်နေပြီဖြစ်ကြောင်း ၄င်းကစားသမားတို.၏ အေးဂျင့်များမှ တရားဝင်ကြေငြာထားပါတယ်။ ၂ပွဲစီကန်ပြီး ရမှတ်(၂)မှတ်အသင်းနဲ့ ရမှတ်(၁) မှတ်ရအသင်း တွေ.ဆုံမှုဖြစ်ပြီး နိူင်သောအသင်းသာလျှင် Play-off အဆင့်ကို မျှော်လင့်ခွင့်ရမှာဖြစ်ပြီး ရှုံးနိမ့်ခဲ့ပါက လုံးဝမျှော်လင့်ချက်ကုန်ဆုံးသလောက် ဖြစ်မှာဖြစ်ပါတယ်။ ပွဲစဉ်(၇)ထက်ပိုပြီး အကျိတ်အနယ်ဖြစ်ဖြစ်မှာ သေချာသလို ပွဲကြမ်း ပွဲကောင်းတစ်ပွဲဖြစ်မှာ ကျိန်းသေးပါတယ်။ ဒီပွဲအဖြေကတော့ ဂိုးယခု မသွင်းသေးတဲ့ အသင်းနှစ်သင်းတွေ.ဆုံနေတာဖြစ်တာကြောင့် ခန်.မှန်းရခက်ပါတယ်။ သရေနဲ့ပဲ ပီးဆုံးဖို.များတဲ့ ပွဲပဲဖြစ်ပါလိမ့်မယ်။
Post by JSF(Joint Strike Fighter)
0 comments:
Post a Comment